ພໍ່ເຮັດວຽກ ອາບແດດ ຖືກແຜດເຜົາ
ລູກກິນເຫລົ້າ ຟັງເພງ ຄື້ນເຄງເຫລືອ
ແມ່ຂາຍຜັກ ກິນເຂົ້າກັບເກືອ
ລູກເອື້ອເຟື້ອ ພາສາວທ່ຽວ ລ້ຽວໂຮເທວ
ພໍ່ຫາເງິນສົ່ງລູກຮຽນ ພຽນອົດສາ
ລູກຕິດຢາ ຄົບຫມູ່ຊົ່ວ ມົ້ວໃຫ້ເຫັນ
ແມ່ກະຫາຍ ດື່ມນ້ຳຄອງ ຕອນກອງເພນ
ລູກທະເລັ້ນ ຈິບວາຍແດງ ແພງຈັບໃຈ
ພໍ່ອົດຢາກ ບໍ່ເຄີຍຈົ່ມ ທົນລຳບາກ
ລູກມັກມາກ ເພດສຳພັນ ມັນຈິບຫາຍ
ແມ່ທໍຜ້າ ປູກມ້ອນ ຫາລາຍໄດ້
ລູກຍິງຊາຍ ທ່ຽວສົມສຸກ ໂລກຕິດໂຕ
ພໍ່ສູບນ້ຳ ເຂົ້າຄັນນາ ປູກເຂົ້າກ້າ
ລູກມົວເມົາ ການພະນັນ ຫມັ່ນຫາຜົວ
ແມ່ຫາບນ້ຳ ລ້ຽງເປັດໄກ່ ເຮັດສວນຄົວ
ລູກໃຈຊົ່ວ ໃຊ້ເງິນເພີນ ເດີນຫລົງທາງ
ພໍ່ຂາຍງົວ ສົ່ງຄວາຍຮຽນ ວຽນສີສະ
ລູກຕະກະ ກິນຟາສຟູດກວ້າງຂວາງ
ແມ່ປວດເມື່ອຍ ສູ້ວຽກຫນັກ ບໍ່ລະວາງ
ລູກສຳອາງ ໃຊ້ເຄື່ອງແພງ ແຂ່ງສັງຄົມ
ພໍ່ຈ່ອຍແຫ້ງ ເຫື່ອແຮງນ້ອຍ ດ້ອຍອາຫານ
ລູກປະພຶດ ອັນຕະພານ ລ່າເສບສົມ
ແມ່ເປັນດອກ ທົບຕົ້ນ ຫມົດອາລົມ
ລູກແຂ້ວຄົມ ຂ້າພໍ່ແມ່ ກ່ອນແກ່ຕາຍ
*ຕົ້ນສະບັບເປັນພາສາໄທFwd: ດ້ວຍຮັກ...
