ກະທູ້ຖັດໄປ »

[VL]

ຢາກຮູ້ວ່າຢາກຂຽນ Blog ດ້ວຍຕົວເອງຈະເລີ້ມແນວໃດດີ, ເພາະຢາກໄດ້ ບຣອກທີ່ຖືກໃຈຕົວເອງ.
ຊ່ວຍແນະນຳແດ່ເດີ, Thanks

[au8ust]

ທຳອິດເລີຍຕ້ອງຮູ້ກ່ອນວ່າຈະຂຽນເລື້ອງຫຍັງ? ຂຽນປະເພດໃດ? ກຸ່ມຄົນອ່ານແມ່ນໃຜ? ເນື້ອຫາສາລະຕ່າງ ໆ​ ຫາມາຈາກໃສ?
ເຫລົ່ານີ້ແມ່ນໃນສ່ວນຂອງຮູບແບບບລັອກ

ຕໍ່ມາກໍ່ຄືໃນສ່ວນຂອງຮູບລັກພາຍນອກຂອງບລັອກ ກໍ່ຄືຈະໃຊ້ໂປຣແກຣມບລັອກຕົວໃດ? ອາດຈະເປັນ Blogger/Blogspot​ ຫຼື WordPress ກໍ່ໄດ້ ເຊິ່ງໃນກໍລະນີຂອງ WordPress​ ນັ້ນ ຈະມີີຮູບແບບຫນ້າຕາໃຫ້ເລືອກນັບຮ້ອຍ ໆ ແບບ ສາມາດເບິ່ງໄດ້ໃນເວບນີ້

ສ່ວນວິທີຕິດຕັ້ງໃຊ້ງານຕ່າງ ໆ​ ເບື້ອງຕົ້ນ ກໍ່ໄດ້ຂຽນໄປແດ່ແລ້ວໃນຫນ້າເວບ ກໍ່ຄົງຈະບໍ່ມີຫຍັງຍາກຫລາຍ

ຕາມປະສົບການທີ່ເຄີຍຂຽນມາ ມັນຈະຍາກຢູ່ບ່ອນວ່າ ການວາງແນວທາງຂອງບລັອກ ເພາະວ່າຫາກບໍ່ກຳຫນົດໃຫ້ຊັດເຈນແລ້ວ ເວລາຂຽນ ໆ ໄປຈະເລີ້ມຫລົງທາງ ຂຽນໄປຂຽນມາຈະເລີ້ມຫາສາລະບໍ່ໄດ້ ກໍ່ເລີຍວ່າຢາກແນະນຳໃຫ້ທ່ານໃດທີ່ເລີ້ມຕົ້ນຂຽນບລັອກນັ້ນ ຕ້ອງວາງເປົ້າຫມາຍໄວ້ກ່ອນວ່າ "ຂຽນເພື່ອຫຍັງ?"

ອື້ມ ວ່າແລ້ວກໍ່ໄປນອນດີກວ່າ ມື້ນີ້ປິດຮ້ານໄວຫນ້ອຍຫນຶ່ງ ແຕ່ມື້ອື່ນຕ້ອງຕື່ນແຕ່ເຊົ້າ Y_Y

[VL]

ຂ້ອຍຫມາຍຄວາມວ່າເຮົາຂຽນແບບເປັນ Code ຂຶ້ນມາເລີຍບໍ່ໄດ້ບໍ່ ? ເຊັ່ນວ່າໃຊ້ HTML ເລີຍນະ !

[au8ust]

ບໍ່ແນະນຳເດັດຂາດ ເພາະວ່າກວ່າຈະຂຽນໄດ້ ກວ່າຈະແກ້ບັ໊ກ ກວ່າຈະປັບແຕ່ງ ກວ່າຈະເຮັດຈົນພໍໃຈເຮົາ (ຍັງບໍ່ນັບວ່າພໍໃຈຄົນເຂົ້າມາອ່ານ) ກໍ່ກິນເວລາເປັນແຮມປີ ຫຼືຫລາຍກວ່ານັ້ນອີກ

ຖ້າຈະເຮັດເອງຫມົດ ຕ້ອງຮູ້ຈັກຂຽນ Web Programming ຈະເປັນ PHP, ASP, Perl, AJAX, Java ແມ່ນຫຍັງກໍ່ວ່າໄປແລ້ວແຕ່ຈະໃຊ້ ນອກຈາກນັ້ນກໍ່ຮູ້ຈັກ Database ຕ່າງ ໆ ທີ່ຈະໃຊ້ມີ MySQL, MS SQL ເປັນອາທິ

ຈະໃຊ້ HTML ຊື່ ໆ​ ກໍ່ໄດ້ ແຕ່ວ່າ ມັນບໍ່ສະດວກດອກ ລຳບາກຫລາຍ ແລະກໍ່ຖ້າໃຊ້ສະເພາະແຕ່ HTML ຢ່າງດຽວຈະບໍ່ສາມາດສະແດງຄວາມຄິດເຫັນໄດ້ ແຖມຍັງມາຍາກເວລາອັບເດດອີກ ຕ້ອງຄ່ອຍ ໆ ເຮັດເທື່ອລະອັນ ເທື່ອລະອັນ ເທື່ອລະອັນ ເທື່ອລະອັນ ເທື່ອລະອັນ ເທື່ອລະອັນ ຮັບຮອງວ່າລຳບາກກວ່າພວກ Dynamic blog ຫລາຍເທົ່າ